დღე 7

დღეს განვიხილეთ ერთმანეთის პროცედურები, მივიღეთ სასარგებლო რჩევები ტრენერისგან.  გავეცანით გარდნერის მრავალმხრივი ინტელექტის თეორიას, მოვახდინეთ მოსწავლეთა დიფერენცირება მათი ინტელექტის მიხედვით, ამისათვის შევქმენით თვითშეფასების ფორმა სხვადასხვა ინტელექტის მქონე ბავშვისთვის.  გავეცანით მოსწავლეთა მხარდაჭერის ნიმუშებს, გავამზადეთ ხარაჩო. ბლოგზე გამოვაქვეყნეთ პროექტების პორტფოლიო, დავამატეთ ფეიჯები.

6 დღე

დღეს ვისწავლეთ პრეზენტაციის ჩაშენება ბლოგზე, ასევე გამოქვეყნება.გავეცანით სხვადასხვა ტიპის შეფასების რუბრიკებს და შევინახეთ შეფასების ფაილში. ჩვენ მიერ დაწერილი ამოცანების და პრეზენტაციის გათვალისწინებით გავაკეთეთ შეფასების რუბრიკა. ჩამოვწერეთ პროცედურების შედგენის ჩეკლისტი.

მოსწავლის ნიმუში

დღე 5

დღეს ვისწავლეთ დრაივზე კომენტარის გაკეთება და ჩვენი დოკუმენტების გაზიარება. ნაშრომებს უნდა ახლდეს გამოყენებული ლიტერატურის ჩამონათვალი, რათა დავიცვათ საავტორო უფლებები.   გადავხედე "რომეო და ჯულიეტას" პრეზენტაციას, ამის შემდეგ შევქმენი მოსწავლის პრეზენტაცია, რამაც უფრო დამაფიქრა და მოსწავლის თვალით დამანახა ჩემ მიერ დაგეგმილი პროექტი. აღნიშნული პრეზენტაცია შევინახე მოსწავლის ნიმუშებში.

4 დღე

             მეორე მოდულის მესამე აქტივობიდან  გავეცანით შეფასების ხუთ მიზანს, აქედან ოთხი იყო განმავითარებელი, ხოლო ერთი- განმსაზღვრელი შეფასებისთვის. ჩვენი პროექტისთვის შევარჩიეთ ხუთივე მიზნის მისაღწევი შეფასების რუბრიკები. მოსწავლეთა საჭიროებების დასადგენად ავირჩიე დიაგრამა "ვიცი-მინდა ვიცოდე- ვსწავლე"  და თავად შევავსე, რათა წარმოვიდგინო   რას დაწერენ მოსწავლეები. ამის შემდეგ დრაივზე გადავიტანე ჩემი საქაღალდე. დრაივზე, პროცედურებში ჩავწერე შეფასების ინსტრუმენტები, რასაც გამოვიყენებ პროექტის დასაწყისიდან, მის დასრულებამდე.

დღე 3

                  დღეს გავიხსენეთ წინა ტრეინინგზე ნასწავლი მასალა. განვიხილეთ ზოგადად რა შეიძლება იყოს პროექტის მიზნები და როგორ გავმიჯნოთ ერთმანეთისგან პროექტის მიზნები და ამოცანები. გადავხედეთ სტანდარტებს და შევამოწმეთ არის თუ არა მაღალი სააზროვნო უნარების შესაბამისი, რაშიც დაგვეხმარა განახლებული  ბლუმის ტაქსონომიის ზმნები.

       სტანდარტის მიხედვით  დავწერეთ კონკრეტული ამოცანები ყველა ინდიკატორის
შესაბამისად, უნდა გავითვალისწინოთ, რომ ამოცანები არ იყოს ბუნდოვანი.მეორე მოდულის მეორე აქტივობიდან  გადავხედეთ ნიმუშს, თუ როგორ უნდა შევადგინოთ ზოგადი, თემატური და შინაარსობრივი კითხვები. შემდეგ კი კვლევის გეგმაში შევიტანეთ  ზოგადი, თემატური და შინაარსობრივი კითხვები.

დღევანდელი ნამუშევარი გავიგზავნე მეილზე.

2 დღე

           ტრეინინგის მეორე დღეს, მოვისმინეთ ერთმანეთის საპროექტო იდეები. ტრენერისგან მივიღე სასარგებლო რჩევები. გადავხედე  ეროვნულ საასწავლო გეგმიდან და 21-ე საუკუნის უნარ-ჩვევებიდან ავარჩიე და გადმოვიწერე მაღალი სააზროვნო უნარების გასავითარებელი ინდიკატორები, შემდეგ კი შევიტანე ჩემ მიერ განსახორციელებელი პროექტის გეგმაში. გავეცანით ასევე, ბუკლეტის შაბლონს და ვისწავლე როგორ მოვარგო ჩემს პროექტს. გადავხედე გუშინდელ რეფლექსიებს , თამარ გრიგალაშვილის რეფლექსიას გავუკეთე კომენტარი.

დღე 1

           

                  ტრეინინგის პირველ დღეს,  გავეცანი  კურსის მიზნებსა და ამოცანებს. შევქმენი ბლოგი. გავეცანი საიტზე განთავსებულ დოკუმენტებს. გავიგე, რა არის ჩექ ლისტი, რომელიც დამეხმარება განვსაზღვრო სად რა შევინახო. მომეწონა, რომ  ჩემს  იდეას (პროექტს), რეალურად განვახორციელებ სასწავლო პროცესში.  პორტფოლიოს რუბრიკით შევამოწმებ ჩემ მიერ განხორციელებული პროექტის ხარისხს.